Ajo quhet Daniela Mijatoviç, është një modele e re boshnjake dhe sipas mediave të Bosnjë-Hercegovinës, është në lidhje dashurie me Lorik Canën madje prej disa kohësh.

"Dnevni Avaz" lajmëron se për shkak të saj, shqiptari nga Kosova vizitoi në muajin tetor të vitit të kaluar kryeqytetin Sarajevë dhe kjo u quajt edhe një provë tjetër e lidhjes mes tyre.

Duke qenë një futbollist i njohur, por edhe një djalë shumë i pashëm, për Lorikun ka pasur shumë lajme dhe zhurma për lidhje të ndryshme ndjenjash, ndërsa gjakovari i lindur në Prishtinë është shprehur se kurorën dëshiron që ta vendosë me një vajzë shqiptare.

Vetë "të interesuarit" nuk kanë komentuar lajmet e dala, por "Dnevni Avaz" ka botuar, në datën 18 tetor 2011, edhe një foto ku Loriku dhe Daniela dilnin të shtrënguar pas njëri-tjetrit. /albeu.com/