Bosnje e Hercegovina ka pësuar humbje prej 1-0 nga Nigeria duke e mbyllur kështu Kampionatin Botëror që në fazën e grupeve.

Ishte një gjysmë e parë interesante me të dyja skuadrat që kishin raste për të shënuar. Megjithatë, vetëm një shans u konkretizua gjatë kësaj pjese (Emenike 29').

Ballkanasit shënuan në minutën e 20 me Dzekon, por goli u anulua padrejtësisht.

Në pjesën e dytë, afrikanët vazhduan të ishin të rrezikshëm, ndërsa skuadra evropiane nuk ishte në gjendje që të arrinte deri te goli.

Bosnja goditi shtyllën në minutën e fundit.

Pas dy ndeshjesh, nigerianët kanë grumbulluar katër pikë dhe gjenden në vend të dytë në tabelë. Atyre iu duhet vetëm një barazim në ndeshjen e fundit kundër Argjentinës që të jenë të sigurt për kualifikim.

Nga ana tjetër, me këtë humbje, Bosnje e Hercegovina humb gjasat edhe matematikisht për kualifikim. Ndeshja e fundit e luajnë kundër Iranit.