Capello: Angli-Itali, një derbi
Nga Botoga, ku po merr pjesë në një oragnizim bamirësie të organizuar nga Fondacioni "Leo Messi", ish trajneri italian i Anglisë, Fabio Capello ka folur pëe Euro 2012, çerekfinalen Angli-Itali dhe ka dhënë një parashikim se kush e fiton Europianin.

"Skuadrat finaliste të Euro 2012, sipas meje, do të jenë Gjermania dhe Spanja. I shoh superiore mbi të tjerët. Djemtë e Low janë të fortë dhe kanë një shpirt të madh. Kombëtarja spanjolle luan futbollin më të mirë, por i mungon diçka në sulm. Ndoshta një futbollist si Messi", u shpreh Capello.

DERBI - "Anglia? Preferoj të mos flasë. Kam punuar atje 4 vjet dhe një eksperiencë e tillë nuk harrohet lehtë. Ndeshjen e së dielës e përjetoj në një mënyrë tejet të veçantë", tha Capello.

MESSI - "Messi është një gjeni, është jashtë normales. Për mua është futbollisti më i mirë në botë pas Maradonës", përfundoi Fabio Capello. /albeu.com/
Shtuar më 21/06/2012, ora 12:35
Shkruani komentin tuaj!
Të fundit nga kjo kategori