UEFA gjobit sërish Rusinë
Rusia është ndëshkuar për të tretën herë, për shkak të veprimeve të tifozëve të saj gjatë Euro 2012. Federata Ruse e Futbollit është gjobitur me 35 mijë euro për incidentet në ndeshjen ku skuadra e drejtuar nga Dik Advokat humbi në mënyrë surprizë 1-0 dhe i dha lamtumirën Euro 2012-ës.

Më parë Rusia ishte gjobitur me 30 mijë euro për shkak të sjelljes së tifozëve të saj gjatë ndeshjes me Poloninë, që përfundoi në barazim 1-1. Incidenti që ka sjellë edhe dënimin më të fundit, lidhet me “flakadanët e ndezur në tribuna e të hedhur më pas në fushë dhe me shfaqjen e parullave të ndaluara” në ndeshjen e fundit të skuadrës në Grupin A, më 16 qershor kundër Greqisë. /albeu.com/


Shtuar më 24/06/2012, ora 16:03
Shkruani komentin tuaj!
Të fundit nga kjo kategori