10 lojtarët më të mirë të vitit 2019 nga MARCA, Messi i pari
Lionel Messi është shpallur lojtari më i mirë i vitit 2019 nga gazeta prestigjioze spanjolle, MARCA, duke i grumbulluar 59% të votave dhe duke e lënë rivalin e vet, Cristiano Ronaldon, mbrapa në vendin e katërt me vetëm 7% të votave.

E përditshmja spanjolle e përpiloi një listë me 100 futbollistët më të mirë të vitit të kaluar, me Messin që ishte zgjedhje e lehtë për të për t’u shpallur më i miri si fitues i Topit të Artë 2019.

Kapiteni i Barcelonës dhe Argjentinës mori bindshëm më shumë vota se kundërshtarët e tij, duke i lënë prapa Karim Benzeman dhe Virgil van Dijkun.

Përkundër se Barcelona pati një sezon të hidhur edicionin e kaluar, i cili do të mbahet në mend më së shumti për dështimin në Anfield në gjysmëfinale të Ligës së Kampionëve, Messi shkëlqeu dhe ishte lojtari kryesor për suksesin e katalonasve në La Liga.

Messi përsëri dëshmoi se është një nivel më lart se të gjithë në këtë planet dhe, edhe pse mungoi në fillim të sezonit 2019/20, ai ia doli të dalë i pari në garë për Këpucën e Artë në ligë.

Ai e mbylli vitin 2019 si fitues i Topit të Artë dhe si lojtari më i mirë i vitit i FIFA-s.

10 lojtarët më të mirë në botë në vitin 2019, sipas MARCA.

1. Lionel Messi 59%
2. Karim Benzema 10%
3. Virgil Van Dijk 8%
4. Cristiano Ronaldo 7%
5. Kylian Mbappe 6%
6. Sadio Mane 4%
7. Frenkie de Jong 2%
8. Mohammed Salah 2%
9. Raheem Sterling 1%
10. Alisson Backer 1%
Shtuar më 02/01/2020, ora 09:51
Shkruani komentin tuaj!
Të fundit nga kjo kategori