Akordi i ri ekonomik i prezantuar dje nga treshja Agnelli-Elkann-Marchionne i bën tifozët e Juventus të ëndërrojnë se vitin e ardhshëm një futbollist i madh do të veshë fanellën e Zonjës së Vjetër. Qëllimi është sjellja në skaudër e lojtarëve të nivelit botëror, sidomos përsa i përket repartit ofensiv.

Juve ka gati 35 milionë euro për goditjen e madhe në merkaton e verës. Emri i parë në listën e drejtuesve bardhezinjë është ai i Robin Van Persie. Sipas asaj që raporton Tuttisport, vëzhgues të Juventus do të ndjekin nga afër ndeshjen Arsenal-Manchester City për të parë sulmuesin holandez të Topçinjëve.

Emri i dytë në listë është ai i uruguajanit të Liverpool, Luis Suarez. Por karakteri i amerikano-jugorit nuk i bind shumë drejtuesit juventinë, ndërsa një tjetër objektiv mund të jetë malazezi i Fiorentinës, Stefan Jovetiç.

Nga kampi spanjoll janë dy alternativa: Fernando Torres dhe David Villa, por shnaset që dy iberikët të veshin fanellën e Juventus janë të pakta, për të mos thënë zero. /albeu.com/