Të kesh Lionel Messi në ekip dhe të mos jesh skuadra me më shumë gola në Europë do të dukej disi e çuditshme dhe e pamundur. Dhe në fakt kështu është: skuadra e Tito Vilanovas ka sulmin më të mirë deri tani në kampionatet europiane për sezonin 2012-2013 me 132 gola të realizuar në të gjitha kompeticionet.

Pas tyre rënditen hollandezët e PSV Eindhoven dhe kampionët në fuqi të Europës Chelsea.

Vetëm vendi i katërt për Real Madrid me 116 gola. Pas tyre rënditen Bayern Munchen dhe Benfica me 111 dhe 105 gola.

Sipas asaj që raporton "BarçaStat", 132 golat e katalanasve kanë ardhur pas 666 gjuajtjesh në portë (19.82%) duke thyer edhe rekordin e Barçës së Guardiolës: 17.99% (1056 gjuajtje/190 gola)