Gianluigi Donnarumma e ka thyer heshtjen pasi u ofendua nga tifozët e Milanit në ndeshje ndaj Hellas Veronas.

Talenti italian ka thënë se nuk i kishte pritur ato fyerje nga tifozët, shkruan Albeu.com.

Portieri 18-vjeçar shpërtheu në lot pas thirrjeve dhe një baneri kundër tij në ndeshjen e mbrëmshme në kuadër të Kupës së Italisë mes Milanit dhe Hellas Veronas në “San Siro”.

“Ishte një natë e shëmtuar që nuk e prisja”, ka shkruar Donnarumma në Instagrm.

“Kurrë nuk kam thënë, as shkruar, se po përjetoja dhunë morale kur e nënshkrova kontratën. Përkundër gjithë kësaj, shikoj me mendje kah ndeshja e radhës... Forza Milan!”, ka përfunduar ai. /albeu.com/