I shpëtoi mrekullisht aksidentit me motorr, pilotja publikon imazhin rrënqethës të shpinës (FOTO LAJM)

"Ata thonë se ajo që nuk të vret të bën më të fortë … Ja ku jemi, me dëshirën e madhe që të kthehemi më të fortë se kurrë!

Me anë të këtij mesazhi në Twitter, Ana Carrasco shprehu optimizmin e saj pasi u kthye në shtëpi për të nisur fazën rehabilituese pas operacionit në shpinë, që iu nënshtrua javën e kaluar. Pilotja spanjolle tregoi një foto të shpinës, që shpjegon qartë se sa i rëndë ka qenë dëmtimi.

Pilotja me origjinë nga Murcia pësoi një aksident serioz më 11 shtator gjatë provave private të mbajtura në cirkuitin e Estorilit. Asaj iu desh të qëndronte e shtruar në spital në Sao Francisco de Xavier Lisboa, që ndodhet 20 minuta larg pistës portugeze. Mjekët atje dalluan frakturat në rruazat D4 dhe D6 që, për fat të mirë, nuk prekën palcën kurrizore.

Një ditë më vonë, kampionia e SSP300 në vitin 2018 udhëtoi drejt Barcelonës për t’iu nënshtruar një operacioni për të stabilizuar frakturat. Mjeku që e operoi verifikoi që në të vërtetë nuk kishte asnjë lloj problemi në palcën kurrizore.

Shtuar më 24/09/2020, ora 12:06
Shkruani komentin tuaj!
Të fundit nga kjo kategori