Po lind Milani i 2014-ës. Administratori i Deleguar kuqezi Adriano Galliani mundi të marrë nga Valencia mbrojtësin francez Adil Rami por merkatoja e "Djallit" nuk mbyllet me kaq. Emra të tjerë priten ti bashkohen skuadrës së Massimiliano Allegrit duke filluar që nga merkatoja e janarit.

Gjithçka do të nisë nga porta ku ëndrra e madhe është portieri i Borussia Munchengladbah Marc Andre Ter Stegen, por edhe ai i Basel Yann Sommer.

Goditjet e mëdha priten të bëhen në mesfushë ku dy emrat më të përfolur janë Xabi Alonso i Real Madrid dhe Keisuke Honda i CSKA Moskës, pothuajse një lojtar i Milanit.

Sulmi do të jetë sërish i njëjtë me dyshen italiane El Shaarawy-Balotelli.

Gjithësesi, për momentin këto janë vetëm zëra merkatoje, ndërsa gjithçka do të mësohet gjatë merkatos së dimrit. /albeu.com/