Nusja e Jozefina Topallit nxjerr "jashtë loje" Marina Vjollcën (FOTO LAJM)

Përvoja në modeling ishte një ogur i mirë për karrierën e Eva Muratit, e cila shumë shpejt mund të nxjerrë "jashtë loje" Marina Vjollcën, Ilda Bejlerin dhe shumë prezantuese të tjera sportive.

Moderatorja e re, e cila njihet nga të gjithë si nusja e ish-Kryetares së Parlamentit, Jozefina Topalli, ka hedhur tashmë një hap të rëndësishëm në karrierë. Eva që nga java e kaluar është pjesë e programit "Mbrëmje në Champoions League" së bashku me moderatorin Andi Nuraj dhe 4 të ftuar të tjerë.

Eva numëron disa eksperienca televizive në "Agon Channel", përkatësisht në emisione si "Antilope", "Duartrokitje" përkrah Adi Krastës si dhe në emisionin e së Dielës në këtë televizion, "Dita e Shtatë".

Ajo ka prezantuar ndër të tjera një sërë spektaklesh të njohura në kryeqytet si "Break the Chain" spektakël i zhvilluar në bulevardin "Dëshmorët e Kombit", "8 Mars", në Pallatin e Kongreseve, programin për 100 vjetorin e pavarësisë së Shqipërisë, "100 vjet shtet", e shumë të tjerë.

Eksperincat e saj shtrihen edhe në aktrim, ndërsa është shfaqur në “I Jashtëligjshmi”, përkrah aktorit të njohur, Gazmend Paja dhe serialit "Kokrrat".

Eva Murati ka pasur rolet e saj edhe në teatër në shfaqjet "Dy zotëri nga Verona" dhe "Opera për tre groshë". Ndërkohë, në modeling Eva ka qenë protagonist e disa spoteve publicitare, ndërsa prej disa kohësh është edhe pjesë e një agjencie prestigjioze të talenteve në Milano.
Shtuar më 22/02/2017, ora 14:32
Shkruani komentin tuaj!
Të fundit nga kjo kategori