Drejtori i Departamentit për Sport në Ministrinë e Kulturës, Rinisë dhe Sportit, Ibër Alaj ka dhënë sot një lajm të mirë për futbollin e Kosovës.

Përmes një shkrimi në rrjetin social 'Facebook', Alaj ka bërë me dije se tashmë është prezantuar projekti për rinovimin e stadiumit "Adem Jashari", në selinë e UEFA-s, raporton Zëri.info.

Siç bën me dije Alaj, shtëpia më e madhe e futbollit evropian është pajtuar me këtë projekt, derisa në të do të investohet një shumë prej 12 milionë euro.

"Adem Jashari" do të rinovohet nga Ministria e Kulturës, Rinisë dhe Sportit.

Punimet në stadiumin që mban emrin e komandantit legjendar Adem Jashari, pritet të përfundojë në vitin 2021.

Ndërkaq, në fotografitë e mëposhtme mund të shihni se si do të duket ky stadium pas rinovimit.