U dëmtua ndaj Milanit, sa do mungojë Vojvoda? (FOTO LAJM)

Foto ekskluzive nga fotoreporteri i Albeu.com, Nderim Kaçeli.
Torino njofton se në ditët në vijim do të dihet shkalla e lëndimit.

Mbrojtësi i Torinos, Mërgim Vojvoda, është lënduar në ndeshjen kundër Milanit, në kuadër të Kupës së Italisë, duel që u zhvillua të martën mbrëma në “San Siro”.

Futbollisti kosovar që ishte titullar te Torino u lëndua në krahun e majtë dhe u detyrua të zëvendësohet në minutën e 84-të. Deri në atë kohë, ndeshja ishte 0:0 dhe Vojvoda kishte paraqitje shumë të mirë.

Klubi i Torinos ka njoftuar se në ditët në vijim do të bëhen ekzaminimet mjekësore për të parë shkallën e lëndimit të Vojvodës.

Torino është eliminuar nga Kupa e Italisë nga Milani pas penalltive 5:4.

Deri me tani, Mërgim Vojvoda është paraqitur në 13 ndeshje me skuadrën italiane dhe ka 2 asistime në Serie A. Në total, i ka zhvilluar 632 minuta lojë.
Shtuar më 13/01/2021, ora 16:49
Shkruani komentin tuaj!
Të fundit nga kjo kategori