Serbi-Shqipëri, vendimi shtyhet për nesër
Vendimi në lidhje me incidentet në takimin e 14 tetorit mes Serbisë dhe Shqipërisë, me shumë gjasa do të jepet këtë të premte. Komisioni i Disiplinës së Uefa-s, duhet të merrte një vendim gjatë ditës së sotme, për këtë cështje, por sipas burimeve të Sport News, vendimi do të shtyhet për ditën e nesërme.

FSHF nga ana e saj kërkon tre pikët në tavolinë, por dhe pala serbe pretendon të njëjtën gjë, dhe pse ditët e fundit ka pasur një ftohje nga ana e FSF por dhe mediave serbe për një vendim të tillë në favor të tyre.

Pala shqiptare do të përpiqet të mbështesë mbrojtjen e saj në dështimin e palës serbe për organizimin e ndeshjes, një pikë shumë e rëndësishme që tregohet qartë dhe nga pamjet, në hyrjen e tifozëve në fushë dhe goditja e futbollistëve tanë, jo vetëm prej tyre por dhe prej forcave të sigurisë.

Gjithashtu FSHF do të përpiqet të vërtetojë dhe koret raciste në fillim të ndeshjes, vërshëllimin e himnit tonë kombëtar dhe flamujt me mesazh me karakter racist, ndërkohë nga ana e saj pala serbe, do të përpiqet të mbështesë akuzat te hyrja e dronit në stadium, por dhe te refuzimi i kombëtares shqiptare për t’u rikthyer në fushë.

FSHF ndërkohë bëri të ditur një ditë më parë, se është e gatshme ta çojë çështjen në rast të një vendimi jo të përstatshëm për palën tonë dhe në gjykatën e arbitrazhit sportiv. /albeu.com/
Shtuar më 23/10/2014, ora 13:00
Vesat Peci
e Enjte 23 Tetor 2014, Ora 13:12
Turp per Uefen gjithe bota eka shiku se qfar ka ngjah me datet 14 tetor , TURP!
Shkruani komentin tuaj!
Të fundit nga kjo kategori