Jo vetëm bileta por edhe pasaporta shqiptare do të jetë dokumenti i detyrueshëm për të ndjekur ndeshjen në stadiumin e Beogradit. Sipas informacioneve që ka sugiruar Portali Albeu.com, pasaporta shqiptare është vendosur si një kusht i panegociueshëm nga pala serbe.

Kjo pasi Serbia ka të drejtën e përcaktimit të disa modaliteteve për garantimin e sigurisë, por duket se kjo e drejtë por keqpërdoret nga Serbia për të penguar pikërisht tifozët kosovarë dhe ata nga Maqedonia për të qenë prezent në stadium.

Lajmi në fjalë u konfirmua edhe nga presidenti i FSHF, Armand Duka:

"Federata Serbe do të pranojë me kushte tifozët shqiptarë. Ata kërkojnë që të gjithë tifozët që do të futen në stadium të kenë pasaportë shqiptare. Nuk e di nëse mund të kundërshtohen këto kushte. Biletat do të jenë vetëm për ata që kanë pasaportë shqiptare", deklaroi Duka.

Sipas rregullave të UEFA-s dhe FIFA-s, Federata Serbe duhet ti sigurojë Shqipërisë 5% të biletave ose rreth 1200-1300 bileta për tifozët kuqezinj. /albeu.com/