Ajeti flet për herë të parë pas kalimit tek West Ham
Sulmuesi me prejardhje kosovare, Albian Ajeti, është shprehur shumë i lumtur me transferimin e tij nga Baseli në West Ham United, duke thënë se kjo është një ditë shumë e rëndësishme për të dhe familjen e tij.

22-vjeçari u bashkohet “Çekanëve” fillimisht në një marrëveshje katërvjeçare, mirëpo në kontratë është i përfshirë një opsion për ta zgjatur atë edhe për dy sezone të tjera shtesë.

Ajeti – i cili e luajti ndeshjen e tij të fundit për klubin zviceran në fitoren kundër PSV-së, në kuadër të kualifikimeve për Ligën e Kampionëve – i ka shënuar më shumë sesa 40 gola gjatë tre sezoneve të fundit.

“Jam shumë i kënaqur që jam këtu. Është një kënaqësi për mua të jem këtu, në këtë klub të madh”, tha sulmuesi, i cili në klub do ta veshë fanellën me numër 27.

“Sapo mësova për interesimin e West Hamit, nuk mu desh të mendohesha dy herë për të nënshkruar për këtë klub të madh tradicional në Premierligë. Kjo është një ditë e madhe për mua dhe për familjen time”.
Shtuar më 08/08/2019, ora 10:36
Shkruani komentin tuaj!
Të fundit nga kjo kategori