Bernard Challandesi, ka dhënë një konferencë shtypi para dy ndeshjeve më të rëndësishme të kualifikimeve, atë kundër Çekisë dhe kundër Anglisë.

Trajneri zviceran është pyetur nëse periudha si trajner i Kosovës është më e suksesshmja në karrierën e tij.

"Nuk mund të them se është më e suksesshmja, por mund të them se është periudha me e kënaqshme në karrierë. Për mua është kënaqësi që jam këtu, është kënaqësi të punoj me këta djem, është kënaqësi të jem në këtë vend dhe është kënaqësi kjo që po e kalojmë tërë së bashku, është karriera më e kënaqshme e imja si trajner dhe nuk ka qenë gjithmonë kështu", ka thënë trajneri Challandes.

Challandesi më parë ka qenë trajner i grupmoshave U17, U18 dhe U21 të Zvicrës, derisa ka drejtuar edhe Kombëtaren e Armenisë.