Një tjetër klub i madh i Serie A interesohet për Muriqin, Lazio në presion
Lazio nuk është e vetme në garën për Vedat Muriqin.

Për sulmuesin e Kombëtares së Kosovës, interesim është duke shprehur edhe skuadra tjetër e njohur nga Serie A, Fiorentina.

Mediet në Turqi raportojnë se Lazio, që është në garë për Muriqin që një kohë të gjatë, ka mbetur e befasuar nga tentativa e Fiorentinës për 26 vjeçarin nga Prizreni.

Lazio ka rreth një muaj që është në kontakte zyrtare me Fenerbahcen, dhe së fundi kanë paraqitur një ofertë deri në 18 milionë euro te skuadra turke.

Madje, thuhet se Claudio Lottito ka telefonuar Fiorentinën, duke përdorur një gjuhë të ashpër për përfshirjen në negociata për Muriqin.

Lazio mbetet e vendosur për transferimin e Muriqit, dhe në ditët në vazhdim pritet të mbyllet gjithçka.
Shtuar më 30/08/2020, ora 10:29
Shkruani komentin tuaj!
Të fundit nga kjo kategori