Trepça, dorëhiqet trajneri Ajvazi
Pëlqej
Humbja e dytë radhazi, këtë herë në shtëpi me Istogun ka shtyrë trajnerin e Trepcës, Emin Ajvazi të japë dorëheqjen nga drejtimi i skuadrës mitrovicase.

Trajneri ja komunikoi vendimin e tij dhe drejtuesve të klubit në përfundim të ndeshjes së kësaj fundjave, të humbur përballë vendit të fundit në renditje Istogu.

Skuadra mitrovicase e nisi mirë kampionatin teksa që në javën e parë arriti të fitojë me Ferizajn në shtëpi, ndërkohë që u përsërit dhe në takimin tjetër të luajtur përpara publikut të tij me Dritën e Gjilanit, por humbjet me Hajvalinë kryesuese dhe Istogut mesa duket shtynë Ajvazin të mendonte se nuk mund të punonte më për xehetarët.

Pas pesë javësh kampionat, skuadra e tij ka regjistruar dy fitore dhe 3 humbje duke pasur gjashtë pikë në renditje. Në javën e 6-të mitrovicasit do të luajnë në transfertë me një tjetër skuadër në krizë këtë sezon, Besën e Pejës.
Shtuar më 15/09/2014, ora 10:38
Shkruani komentin tuaj!
Të fundit nga kjo kategori