Mungesa e madhe e Kosovës për ndeshjen ndaj Republikës së Çekisë është Vedat Muriqi.

Muriqi edhe pse fillimisht u grumbullua me kombëtaren, u detyrua të largohet nga grumbullimi pasi kishte pësuar një dëmtim serioz.

Një dit para ndeshjes, 25 vjeçari ka postuar në faqen e tij zyrtare në “Facebook” një shkrim emocionues, ku i uron shokëve të tij të kombëtares suksese në ndeshjen e nesërme.

“I uroj sukses të gjithë shokëve të mi për ndeshjen e nesërme! Njëherësh, ndjej keqardhje që nuk do të mund të jap në fushë bashkë me ta në këtë përballje të rëndësishme. Përkrahje e plotë, përherë”, ka shkruar Muriqi.