Aksidentohet me makinë futbollisti i Kukësit
Nga festa në aksident. Mbrojtësi i Kukësit, Faton Xhemaili, pak orë pasi kishte festuar me ekipin në stadiumin "Elbasan Arena", aty ku skuadra verilindore fitoi Kupën e Shqipërisë, është gjendur në një situatë shumë të rrezikshme, por që për fat të mirë ka shpëtuar paq.

Gazeta mëson se gjatë kthimit nga Elbasani, pikërisht në një prej rrethrrotullimeve afër një qendre tregtare, makina e drejtuar nga një i afërm i Xhemailit, ka dalë nga rruga dhe përplasur me një bordurë.

Automjeti është shkatërruar, ndërsa mësohet se Xhemaili ka thyer krahun. Tashmë lojtarit do t’i duhet një muaj të qëndrojë jashtë fushave.
Shtuar më 03/06/2019, ora 23:39
Shkruani komentin tuaj!
Të fundit nga kjo kategori