Antoine Griezmann nuk është aspak i kënaqur me qëndrimin e tij të vazhdueshëm në bankën e rezervistëve te Barcelona, kanë raportuar të hënën mediumet spanjolle.

Në ndeshjen kundër Huescas, Griezmann u inkuadrua në lojë në dhjetë minutat e fundit por nuk shënoi gol në fitoren e Barcelonës 1:0.

Gjatë këtij edicioni, Griezmann ka pasur minutazh të limituar te Barça.

Në ndeshjet kundër Eibarit, Real Valadolidit, Valencias dhe Real Sociedadit është zëvendësuar derisa e ka humbur edhe vendin e titullarit. Kjo situatë nuk po i pëlqen aspak sulmuesit francez, i cili po shpreson që pas lëndimeve të Philippe Coutinhos dhe Ansu Fatit, të ketë minutazhë më të madhe në pjesën e dytë të këtij sezoni.

Griezmann është pjesë e Barcelonës që nga viti 2019 dhe ka kontratë deri në vitin 2024. Në 20 paraqitje këtë sezon, ai ka shënuar pesë gola dhe ka dy asistime.