Kupa e Italisë/ Juventus shkatërron Romën dhe siguron gjysmëfinalen (VIDEO)
Juventus ka triumfuar 3-1 ndaj Romës, ku i kanë mjaftuar vetëm 45 minutat e para për të siguruar kalimin në gjysmëfinalet e Kupës së Italisë.

Serinë e golave e hapi i zakonshmi Cristiano Ronaldo, i cili shënoi në një diagonale perfekte në minutën e 26-të.

Bentacur dyfishoi në minutën e 38-të, ndërsa 9 minuta më vonë kishte vend edhe për golin e Leonardo Bonuçit, i cili çoi shifrat në 3-0. Në pjesën e dytë, Roma provoi të zgjohej, teksa shkurtoi diferencën me një supergol të Under në minutën e 50-të. Gjithsesi, vetëm aq, pasi Juventus administroi mjaft mirë deri në fund.

Bardhezinjtë sigurojnë kalimin në gjysmëfinale, ku presin Milanin ose Torinon, me dy ekipet që do të përballen në “San Siro” javën e ardhshme.
Shtuar më 22/01/2020, ora 22:48
Shkruani komentin tuaj!
Të fundit nga kjo kategori