Partizani rrezikon të mbetet pa tifozë në derbi, "Ultras Guerrils" marrin këtë vendim


Derbi i tretë i këtij sezoni në Superiore po afron dhe adrenalina sa vjen edhe shtohet. Interisi i tifozëve duket me i lartë se kurrë dhe pritet një "sold out".

Policia ka rritur masat e sigurisë dhe ata kanë vendosur që asnjë tifoz mos të futet në "Air Albania" pa kartë identiteti.

Këtë vendim gripimi i tifozëve të Partizanit, "Ultra Guerrils" e knë kundërshtuar hapur.

Ata e konsiderojnë një masë të tillë si represion federatë-shtet, të cilës nuk do t’i nënshtrohen. Po si do të vepriojnë? Do të braktisin ndeshjen dhe nuk do të jenë pjesë e supersfidës. Sipas këtij paralajmërimi, ka gjasa që Partizani të mbetet "jetim" në stadium, pa tifozët e vet më të zjarrtë. Interesant është fakti se mbështetësit e "demave të kuq" vazhdojnë ta quajnë "Qemal Stafa" arenën e re kombëtare, pavarësisht emrit të ri tregtar që ka marrë. Ja njoftimi i tifo-grupit në fjalë, bërë mesditën e sotme:

"Nesër në "Qemal Stafa" luan Partizani! "Guerrils" ju fton të gjithëve t'i bashkohen marshimit të madh, që do të nisë nga Baza në orën 17:00 për ta kurorëzuar dominimin e kuq në çdo front, ashtu siç tradita jonë e do, ashtu siç e kërkon tifozëria e kuqe.

Por! Njoftojmë zyrtarisht të gjithë anëtarët se "Ultras Guerrils" do të vijojnë të respektojë deri në fund veten dhe atë çka përfaqëson, duke mbetur të papërkulur ndaj represionit që sistemi federatë-shtet kërkon të na imponojë me përdhunë!

Ndaj, ju bëjmë me dije se asnjë anëtar yni nuk do të jetë prezent në stadium, nëse do të kërkohet hyrja me kartë identiteti! Ne nuk do të shkelim kurrë mbi veten tonë! Dje, sot, përjetë!"
Shtuar më 27/02/2020, ora 15:37
Shkruani komentin tuaj!
Të fundit nga kjo kategori