Reali shkatërron Atleticon (VIDEO)
Real Madridi është në rrugë për në finale të Kupës së Mbretit pas triumfit bindës prej 3-0 kundër Atletico Madridit në ndeshjen e parë gjysmëfinale, e cila u zhvillua në Santiago Bernabeu.

Mbretërit ishin më të mirë në gjysmën e parë dhe me meritë e mbyllën me epërsi.

Di Maria dërgoi një top drejt Pepes, i cili gjuajti dhe topi u devijua nga Insua për të përfunduar në rrjet (17’).

Argjentinasi Di Maria dhe Jese Rodriguez vazhduan të luajnë mirë edhe në fraksionin e dytë, ndërsa spanjolli 20-vjeçar e dyfishoi avantazhin (57’).

Pas dy asistimeve, Angel Di Maria gjuajti nga distanca dhe me ndihmën e Mirandas topi përfundoi në rrjet (73’).

Cristiano Ronaldo luajti nga minuta e parë në derbin madrilen, mirëpo nuk arriti ta festojë ditëlindjen e 29-të me gol.

Rezultati 3-0 e bën favorit të madh Real Madridin për të kaluar në finale të Copa del Rey. Megjithatë, duhet ta presim edhe ndeshjen kthyese në Vicente Calderon. /albeu.com/
Shtuar më 05/02/2014, ora 23:18
Shkruani komentin tuaj!
Të fundit nga kjo kategori