Talenti i Premier League përfundon në spital, sulmohet me armë të ftohta
Sulmuesi i talentuar i Aston Villës, Bradley Young ka kaluar momente tmerri teksa është sulmuar me thikë nga persona të paindentifikuar.

Ngjarja ka ndodhur mbrëmjen e së premtes, kur i riu u ndalua nga disa persona, të cilët e goditën me thikë dhe u larguan nga vendngjarja.

Menjëherë më pas lojtari 18-vjeçar është transportuar në spital ku ka marrë edhe ndihmën e parë.

Sipas asaj që shkruan The Athletic, për fat të mirë lëndimet e lojtarit nuk kanë qenë shumë të mëdha dhe ai është jashtë rrezikut për jetën. Sulmi ndaj djaloshit të ri është bërë pranë qendrave stërvitore në "Elmdon Park", pas orës 22:30.

Policia menjëherë ka mbërritur në vendngjarje dhe ka nisur punën për të identifikuar personat që e kanë kryer këtë sulm. Thuhet se janë marrë në rajon 3 persona të dyshuar se mund të kenë kryer këtë ngjarje dhe kanë dhënë dëshminë e tyre.
Shtuar më 01/06/2020, ora 21:43
Shkruani komentin tuaj!
Të fundit nga kjo kategori