Maqedonia me emër të ri, sot arrihet marrëveshja mes Tsipras dhe Zaev
Pëlqej
Athina dhe Shkupi pritet që të arrijnë marrëveshjen më të madhe midis tyre që do të mbyllë një konflikt dhjetëravjeçar për çështjen e emrit të fqinjit verior të Greqisë.

Burime diplomatike konfirmojnë për Top Channel se sot në orën 16:00 do të zhvillohet telefonata e dytë brenda 24 orëve mes Kryeministrave Zaev dhe Tsipras që do të kurorëzohet me marrëveshjen për emrin Republika e Maqedonisë së Veriut.

Më pas, pritet një deklaratë televizive për mediat nga lideri grek dhe në fundjavë, në Prespë, udhëheqësit e dy vendeve pritet të nënshkruajnë marrëveshjen në fjalë.

Do të vijojë miratimi i saj në Parlamentin e Shkupit, referendumi i gjithë popullit të ish-Republikës Jugosllave dhe më pas votimi përsëri me dy të tretat në Kuvend.

Vetëm pas këtij procesi, marrëveshja do të shkojë edhe në parlamentit grek për ratifikim aty ku qeveria Tsipras shpreson që të votohet edhe nga deputetët e disa partive opozitare, pasi partia aleate e saj Grekët e Pavarur, deklaron se nuk do pranojnë kurrë që shteti fqinj të ketë në emrin e ri, termin” Maqedonia”.

Në një intervistë televizive, ministri i Jashtëm, grek Nikos Koztias ka deklaruar se bashkë me homologët e tij Dimitorv dhe Bushati guxuan të hapin dhe të përpiqen për të zgjidhur çështje që qeveritë e mëparshme i kishin lënë në heshtje, ndaj dhe janë sulmuar nga ato forca që preferojnë të ketë gjithnjë pengesa në fqinjësinë e mirë.
Shtuar më 12/06/2018, ora 17:57
Shkruani komentin tuaj!
Të fundit nga kjo kategori