E FUNDIT/ Të shtëna me armë në Tiranë
Lajm i madh për tifozët e Juventusit, Sarri: Ronaldo nuk ka më probleme me gjurin
Trajneri i Juventusit, Maurizio Sarri, i ka siguruar tifozët e bardhezinjve se sulmuesi portugez Cristiano Ronaldo është shëruar plotësisht nga lëndimi i tij i gjurit dhe se tani është i lumtur sërish.

Cristiano Ronaldo e nisi vitin 2020 në mënyrën më të mirë të mundshme të hënën, kur arriti të shënojë het-trik në fitoren me rezultat 4:0 në ndeshjen kundër Cagliarit, duke arritur statistikë prej tetë golash në pesë ndeshjet e fundit të Serisë A.

Kjo statistikë lë të kuptohet se Ronaldo është shëruar plotësisht nga lëndimi i gjurit dhe është kthyer në formën e tij të mirë, pasi s’kishte arritur të shënojë në tri ndeshje radhazi në fillim të nëntorit, ndërsa dy herë u zëvendësua herën gjatë ndeshjeve shkaku i gjurit.

Ky problem i gjurit nuk e ka ndikuar Ronaldon së fundi dhe Sarri është shprehur i kënaqur që pesë-herë fituesi i Topit të Artë i është kthyer formës së tij të mirë.

"Ronaldo nuk ka më probleme me gjurin e tij dhe tani është duke e shijuar formën e tij të shkëlqyeshme fizike dhe mendore", ka thënë trajneri i Juventusit në një konferencë për shtyp.

"Më në fund unë po e shoh atë të lumtur sepse tani gjuri i tij është mirë. Ai mund të luajë sërish ashtu siç di ai", shtoi Sarri. /
Shtuar më 07/01/2020, ora 12:42
Shkruani komentin tuaj!
Të fundit nga kjo kategori