Mamaja e Rita Orës në luftë me koronavirusin, ka një mesazh për britanikët
Kudo po luftohet për jetën. Në vijën e parë janë mjekë, infermjerë e farmacistë që po punojnë pa u lodhur për t'ia dalë mbanë kësaj sfide të vështirë.

Një prej tyre është dhe mamaja e këngëtares me famë botërore Rita Orës. Me profesionin psikiatre, Vera Ora po jep kontributin e saj në këtë periudhë kritike që po kalon Britania e Madhe por edhe e gjithë bota.

Sipas një shkrimi të “The Sun”, Vera Ora njëkohësisht ka punuar edhe si mjeke e përgjithshme dhe tashmë ajo po ndihmon kolegët e saj që të përballojnë fluksin në rritje të të sëmurëve me COVID-19.

Ndërkohë Vera Ora ka publikuar edhe një video ku u kërkoi ndjekësve të saj të rrinë në shtëpi për të ndihmuar në ndalimin e përhapjes së COVID-19.

“Edhe pse merrem me pacientët që kanë probleme me shëndetin mendor, po ndihmoj edhe kolegët e mi heronj. Është një kohë shumë e rrezikshme dhe të gjithë nuk janë të sigurt dhe duhet qëndruar në shtëpi, ne po mbizotërohemi me pacientët që kalojnë dhe i rrezikojnë të gjithë”, është shprehur ajo.
Shtuar më 25/03/2020, ora 12:56
Shkruani komentin tuaj!
Të fundit nga kjo kategori