Besnik Kapllanaj jep dorëheqjen nga presidenca e futboll-klub Bylis. Kapllanaj është shpallur në kërkim pas incidentit në ndeshjen e fundit ndaj Laçit dhe sipas asaj që mosn Portali Albeu pritet të vetëdorëzohet në polici.

Presidenti i ekipit ballshiot akuzohet se gjatë ndeshjes Bylis-Laçi ka goditur me mjete të forta në kokë zyrtarin e FSHF-së Besnik Çela. Ngjarja ka ndodhur pas përfundimit të takimit, ku Kapllanaj ka hyrë në dhomat e zhveshjes dhe ka goditur zyrtarin e FSHF-së.

Shefi i Garave në FSHF, Besnik Çela, është dërguar menjëherë në spital ku ka marrë edhe ndihmën e nevojshme mjekësore.

Federata Shqiptare e Futbollit ka dënuar ashpër këtë veprim i cili sipas deklaratës së këtij institucioni synon që të prishë bukurinë e këtij sporti shumë popullor. /albeu.com/