Gerrard Pique është dënuar me një ndeshje pezullim dhe 600 euro gjobë për kartonin e kuq që mori në ndeshjen me Sporting Gijon, fundjavën e shkuar. Mbrojtësi i Barcelonës akuzoi arbitrin se ndikoi në fushë dhe i kërkoi llogari për një penallti të mosakorduar në favor të Keitasë.

“Komiteti i konkurrencës vendosi që të mbajë në fuqi kartonin e tij të kuq. Xherrard Pike është pezulluar me një ndeshje në kampionat dhe i është vendosur një gjobë prej 600 eurosh për komentet denigruese ndaj arbitrit”, – thuhej në deklaratën e federatës, e cila i la lojtarit 5 ditë afat për të apeluar. Pritet që mbrojtësi i Barcelonës dhe Kombëtares spanjolle të japë versionin e tij për ngjarjen. /albeu.com/