Kur jemi duke i afruar festave të fundvitit klube të ndryshme futbolli po mendojnë më së shumti për përforcimin e skudrave gjatë merkatos së janarit. Qarkullojnë shumë emra, një pjesë të cilëve shumë të kushtueshëm dhe pothuajse të pamundur, por që po mbushin faqet e gazetave dhe portaleve pothuajse çdo ditë.

La Liga, me Messin, Ronaldon, Falcaon, Iniestan etj në përbërje është ndoshta kampionati më i bukur dhe më i ndjekur në Europë, njëkohësisht edhe një "treg" i mirë për të blerë futbollistë. Shumë yje të saj përfliten për largime nga ekipet aktuale e madje për largime nga Spanja ku në qëndër të vëmëndjes janë dy portugezët e Real Madrid: Jose Mourinho dhe Cristiano Ronaldo, për të cilët PSG është gati të bëja "çmendurira", por nuk duhen lënë pas edhe emra të tjerë si: Falcao, Llorente apo David Villa.

Emra të mëdhenj, të cilët kushtojnë jo pak por që janë blerje cilësore ndaj dhe klube të ndryshme në Premier League apo Serie A po kërkojnë me ngulm shërbimet e tyre. /albeu.com/

Në foto-galerinë e mësipërme keni mundësinë të shihni 10 yjet që mund të largohen nga La Liga gjatë merkatos së janarit ose verës.