​Ceferin pa rivalë në garën për postin e presidentit të UEFA-s
UEFA ka bërë të ditur se asnjë person nuk do ta sfidojë presidentin aktual të këtij organi qeverisës së futbollit në Evropë, Aleksander Ceferinin, në zgjedhjet e ardhshme për pozitën e presidentit.

Ceferini do të vazhdojë të jetë presidenti i UEFA-s edhe për një mandat tjetër pasi që tanimë është bërë e ditur se askush tjetër nuk ka dashur të konkurrojë për këtë pozitë në zgjedhjet që do të mbahen në shkurt të vitit 2019.

Ceferini e mban detyrën e presidentit të UEFA-s tash e dytë vite, pasi që në vitin 2016, ai e zëvendësoi ish-presidentit Michel Platini. Në gusht, slloveni u nominua për edhe një mandat tjetër katërvjeçar.

Zgjedhjet do të mbahen në Romë më 7 shkurt, por tani këto zgjedhje do të jenë vetëm si formalitet pasi që Ceferini do të jetë i vetmi kandidat. Në këtë kohë do të zgjidhet edhe pozita e zëvendës presidentit të FIFA-s, si dhe anëtarët e Këshillit të FIFA-s.
Shtuar më 08/11/2018, ora 17:30
Shkruani komentin tuaj!
Të fundit nga kjo kategori