Agjenti i Vidic: Interi, sikur Barca e United
Agjenti i Nemanja Vidic ka konfirmuar se mbrojtësi është vetëm pak detaje pranë nënshkrimit të tij me Interin.

Pronari i Interit, Erick Thohir, eliminoi çdo paqartësi dje kur deklaroi se 90 për qind transferimi është kryer.

Edhe më shumë se kaq e ka konfirmuar vet agjenti, që thotë se praktikisht Vidic është përforcimi i parë për Interin për sezonin e ardhshëm.

“Presidenti foli dje, kështu që nuk ka nevojë që unë të shtoj më shumë”.

“Unë mund të konfirmoj atë që ai tha. Unë mendoj se ne po humbim edhe në disa detaje, detaje të vogla. Vidic e do Interin. Kush nuk e don Interin? Është klub i madh që njihet anë e mbanë botës”.

“Historia e Interit është e njëjtë sikurse e Manchester United dhe e Barcelonës. Vidic e do shumë Interin”, ka deklaruar agjenti i lojtarit, Silvano Marina.
Shtuar më 21/02/2014, ora 18:44
Shkruani komentin tuaj!
Të fundit nga kjo kategori