Amauri zëvendëson Eto`o tek Interi
Amauri duke festuar
Sulmuesi kamerunas ka prishur çdo marrëdhënie me Interin dhe e ardhmja e tij pritet të jetë në kampionatin rus me klubin e Anzhit, me të cilin ka arritur një marrëveshje prej 20 milion eurosh në sezon për katër vitet e ardhshme.

Për të mbyllur këtë tratativë mungon vetëm firma e presidentit Moratti, i cili pret një rritje të ofertës së rusëve që fillimisht kishin ofruar 30 milion euro.

Dhe dje, Anzhi ka kënaqur dëshirën e Morattit, duke e rritur në 35 milion euro ofertën për kartonin e Eto`o-së, por nga këto para, vetëm 18 milion euro do të paguhen në dorë.

Nëse Samuel Eto`o-ja do largohet, ashtu sikurse përflitet se mund të ndodhë edhe me Diego Militon dhe Goran Pandevin, sulmi i Interit ka nevojë për zëvendësues, mbi të gjitha një për bomberin kamerunas.

Por Moratti ka gjetur zëvendësuesin e tij që mund të jetë sulmuesi i Juventusit Amauri. Italo-braziliani kushton vetëm 7 milion euro. /albeu.com/
Shtuar më 12/08/2011, ora 13:57
Shkruani komentin tuaj!
Të fundit nga kjo kategori