Andre Villas-Boas paralajmëron Tottenhamin: Juventus do të kthehet
Trajneri portugez Andre Villas-Boas, është ndër të paktët që ende beson se Juventusi do të rikthehet ndaj Tottenhamit, pasi sipas tij në Wembley nuk ka atmosferë.

Juventus u duk i dorëzuar kundër Tottenhamit në ndeshjen e parë ku i vetmi që prodhoi emocione ishte Higuain.

“Juve ka më shumë eksperiencë dhe lojtarë që kanë luajtur në këto nivele”.

“Tani ata duhet ë fitojnë ose të barazojnë 3-3. Nuk është e pamundur, por do të jetë shumë e vështirë, pasi që Tottenham po kalon një periudhë të mirë, luajnë lojë fizike dhe mund të bëjnë probleme”.

“Në Torino, Juventusi hasi në vështirësi në mbajtjen e topit që e zotëruan anglezët”.

“Në shtëpi ata vuajtën, por më lehtë do ta kenë si mysafirë, pasi që Wembley është një stadium i jashtëzakonshëm, ku atmosfera e krijuar nuk dëgjohet në fushë dhe fansat nuk mund të bëjnë presion”.

“Nuk është e pamundur për Juventusin, por Tottenhami janë skuadër e organizuar dhe do të mundohen të luajnë me topin ashtu siç bënë në Torino”, ka thënë Villas Boas.

Ndeshja me Tottenhamit dhe Juventusit do të zhvillohet të mërkurën e ardhshme nga ora 20:45. /albeu.com/
Shtuar më 27/02/2018, ora 16:33
Shkruani komentin tuaj!
Të fundit nga kjo kategori