Angazhim pak miliona shumë dhe Tevez filloi të trashet, klubi vendos kosto për kilogramët e shtuar
Nuk është një gjë e re që pas rikthimit nga pushimet dimërore shumë futbollistë paraqiten në skuadrat respektive në formë fizike që lë për të dëshiruar. Për t’i paraprirë mundësisë që lojtarët të abuzojnë me ushqimin, klubi kinez Shangai Shenhua ka marrë masa drastike, që i detyrojnë futbollistët të rujanë formën fizike, duke iu nënshtruar një regjimi udhqimor të përcaktuar nga klubi përgjatë ditëve të pushimit.

Skuadra ku angazhohen emra të tillë si Martins, Guarin e Tevez, ka vendosur të gjobisë cilindo prej lojtarëve që do të rezultojë mbipeshë. Tolerancë do të ketë vetëm për 2 kg mbi normën e caktuar individuale. Kush do ta gjejë veten pak më të rëndë, do të gjobitet menjëherë nga klubi aziatik me vlerën e 13 mijë eurove për çdo kg. Shifër qesharake në fakt për një lojtar si Tevez, që në dhjetor të 2016-ës nënshkroi kontratën prej 40 milionë eurosh në sezon.

Vështirë që argjentinasi do të mund të frenohet në ngrënie nga frika se do të humasë 13 mijë euro për çdo kg mbipeshë. /Albeu.com/
Shtuar më 30/11/2017, ora 16:38
Shkruani komentin tuaj!
Të fundit nga kjo kategori