Anglezët nuk dëshirojnë të luajnë në Madrid
Albeu.com
Përfaqësuesja e Anglisë në futboll është e gatshme të luajë ndeshje miqësore me Spanjën gjatë vitit të ardhshëm, por nuk dëshiroj që ndeshja të zhvillohet në Madrid për shkak të parullave raciste në të kaluarën.Disa lojtarë anglez në vitin 2004 ishin cak i skenimeve raciste në Bernabeu, ndërsa Asociacioni i Futbollit është i bindur se ndeshja duhet të luhet në një stadium tjetër.

“Për momentin jemi në negociata me Federatën Spanjolle, rreth ndeshjes me kampionin e Evropës në Spanjë, në muajin shkurt. Kjo ndeshje është një miqësore të cilën e kërkon Fabio Capello. Por, ende nuk është caktuar stadiumi dhe duet të nënshkruhet marrëveshja”, ka thënë Adrian Bevington.

“Por FA dhe Fabio Capello janë pajtuar se ndeshja nuk duhet të luhet në Madrid, për shkak të incidentit me ofendime raciste në ndeshjen e fundit. Fabio në tërësi e mbështet këtë ndeshje”, shton më tej drejtori për komunikime në Federatën Angleze të Futbollit.
Shtuar më 13/10/2008, ora 20:51
Tage: arkiv
Shkruani komentin tuaj!
Të fundit nga kjo kategori