Antoine Greizmann po kërkon shtëpi në Barcelonë
Transferimi i Antonio Griezmannit në Barcelonë është tashmë një sekret i zbuluar.

Marrëveshja nuk është punë e kryer, por operacioni për transferimin e tij është në binar dhe dëshmi e kësaj është se partnerja e sulmuesit të Atletico Madridit, Erika Choperena, është duke kërkuar shtëpi në qytetin katalan.

Erika, sipas TV3 dhe Catalunya Radio, ka qenë në Barcelonë një javë para ndeshjes mes Barçës dhe Atletico Madridit, për të shikuar për shtëpi banimi.

Gazetarja Marta Carreras ka thënë në TV 3 se agjencia që e shoqëronte të dashurën e francezit e kishte dërguar atë t’i vizitonte disa shtëpië në zona të ndryshme në qytet, si dhe në lagjen Castelldefels, ku Messi dhe Suarez jetojnë.

Por, ajo shtoi se asnjë nga ato nuk e kanë bindur Erikan, prandaj ajo u kthye në Madrid e zhgënjyer.

Familja e Griezmann dëshiron t’i rregullojë të gjitha gjërat para fundit të sezonit, në mënyrë që të mos brengoset për të shikuar për shtëpi në kohën e Kupës së Botës apo gjatë pushimeve verore. /albeu.com/
Shtuar më 11/03/2018, ora 00:00
Shkruani komentin tuaj!
Të fundit nga kjo kategori