Arsenali ka mposhtur me rezultat 3-1 rivalin londinez të West Ham United duke arritur të rikthejë rezultatin nga disavantazhi prej 1-0.

Të parët shënuan vendasit përmes Diame në minutën e 21-të ndërsa barazimi erdhi në fundin e pjesës së parë nga Olivier Giroud.

Arsenali kaloi në avantazh në minutën e 77-të pas golit të Theo Walcott, ndërsa rezultatin e vulosi Santi Cazorla në minutën e 82-të.

Pas kësaj fitore, Arsenali arrin në 12 pikë duke u ngjitur në pozitën e pestë në Premier Ligë, ku kryeson Chelsea me shtatë pikë më shumë. /albeu.com/