Arsyet e largimit, Dede shigjeton direkt Halilin
Trajneri Nevil Dede u largua nga Tirana pak minuta para ndeshjes me Laçin.

Ai vendosi të aktivizonte në formacion Kukën, por kjo nuk i pëlqeu presidenti që donte të aktivizonte Danson nga minuta e parë. Trajneri ka folur për Supersport dhe ka treguar të vërtetën e largimit të tij.

“Nuk e kam bërë ekipin unë. Nuk vajta te Tirana nga rruga se isha pa punë. Drejtoja Kombëtaren e 19 vjeçarëve dhe vendosa të filloj një projekt të ri. Unë nuk i gjej dot të vërtetat. Nuk është e vërtetë që kam pasur debat me Refikun (presidenti Halili) dje.

“Në stadium ishim gati për ndeshjen, në momentin e fundit Halili më takoi dhe më tha që nuk ishte dakord me zgjedhjet e mia për formacionin. I thashë që është më mirë që unë të iki, atëherë, dhe ti të vazhdosh në strategjinë dhe planin që ke në mendje. Nuk kemi të njëjtat mendime. Kam dhënë dorëheqjen.

“Kontrata me Tiranen ishte në të bardhë, nuk do t’i marr asgjë Tiranës. Kam vajtur te Tirana për të zhvilluar dhe për të dhënë frymëmarrje akademike dhe klubit. Gjeta lojtarë shumë të mirë me shumë cilësi. Kishim probleme me mungesat, mendoja që do të ishim të fortë dhe kompetitiv. Nuk ka asnjë penalitet klubi nga largimi im. Kam vajtur për të zhvilluar veten dhe klubin.

“Kam dashur të zhvilloj të rinjtë tanë, para të ardhurve nga jashtë. Nuk kam pasur probleme deri më sot, vetëm sot Refiku nuk kishte besim të plotë në zgjedhjet e mia. Ndërhyrje në formacion? Halili nuk ka ndërhyrë asnjëherë vetëm sot, që kishte mungesë të theksuar besimi. Nuk dua të bëhem precedent si trajner. Jeta do të vazhdojë. Kam qenë i detyruar të bëj formacionin në bazë të lojtarëve që kam pasur.

“Nuk flisnim me të njëjtën gjuhë dhe nuk kishim të njëjtën gjuhë me klubin. Unë mendova se do të kishim për dy vite një kontratë me projektin që kisha në mendje. Por nuk u realizua dhe e mbyllëm këtu. Humbja me Laçin? E pashë ndeshjen si tifoz dhe mendoj se e meritonin ne fitoren“, deklaroi Nevil Dede.
Shtuar më 25/01/2021, ora 20:17
Shkruani komentin tuaj!
Të fundit nga kjo kategori