Gareth Bale, tani e disa kohë vazhdon të jetë i padëshiruar në "Santiago Bernabeu", por kontrata e tij vazhdon ta mbajë atë në situatë të favorshme.

Lojtari nuk pëlqehet nga Zinedine Zidane dhe nuk gëzon respektin e mjaftueshëm as nga tifozët. Megjithtatë, një nga qëndrimet e Bale ishte se do të luajë golf nëse duhet, por nuk largohet nga ‘Bernabeu’ pa skaduar kontrata.

Duket se uellsiani vazhdon të qëndrojë akoma pas këtyre deklaratave, së paku nëse bazohemi nga raportimet e fundit të ‘Mundo Deportivo’.

Bale nga një kontratë të vlefshme deri në vitin 2022, dhe synimi i tij është t’i qëndroj besnik asaj kontrate.

Një nga opsionet është që anësori të largohet nga Madridi gjatë verës së vitit 2021, por jo këtë verë.

Shpresa e vetme për ‘Los Blancos’ që të largojnë Bale është Newcastle United, skuadra angleze që pritet të ketë një pronar të ri, i cili pritet të bëjë disa shpenzime marramendëse.