Në një intervistë të dhënë për gazetën italiane "La Repubblica", Barbara Berlusconi, vajza e presidentit të Milan dhe e fejuara e brazilianit Alexandre Pato, ka folur për tratativat që mund ta çonin sulmuesin e Milanit në janar te francezët e PSG.

Pyetjes nëse ajo kishte ndonjë rol në marrjen e vendimit për të mos shkuar në Paris, Barbara Berlusconi iu përgjigj: " Kam qëndruar jashtë kësaj vullnetarisht. Vendimi i tim eti dhe Adriano Galliani kanë patur parasysh aspektin teknik dhe atë ekonomik. Nuk doja të ndërhyja pasi ishte një aferë e rëndësishme për klubin dhe nuk doja të fusja aspektin privat të problemit". /albeu.com/