Siç raporton "Elconfidencial.com", Barcelona duket se ka nisur të ushtrojë edhe një tjetër detyrë, atë të shoqërisë "Security". Edhe pse mund të tingëllojë si shaka gjithçka është e vërtetë.

Mësohet se klubi blaugrana ka punësuar një njeri, përgjegjësia e vetme e të cilit mund të krahasohet metaforikisht me atë të një truproje, për të "ruajtur" në këtë mënyrë brazilianin Neymar, nga "sulmet" e mundshme të shoqërive të tjera ndaj personit të tij, kjo duke patur parasysh faktin se talenti i Santosit duket i orientuar drejt Katalunjës pas Botërorit 2014. Detyra e të punësuarit të blaugranave më konkretisht ka të bëjë me shoqërimin e Neymar sa herë që ai udhëton drejt Europës.

Barcelona nis në mision të besuarin e saj, me orientimin e vetëm, të mos lejojë kontaktet dhe afrimin e përfaqësuesve të shoqërive të tjera, kryesisht ata të Real Madrid, të cilët mund të kenë ndikim negativ në vendimin e Neymar për transferimin e mundshëm të tij në Barcelonë. /albeu.com/