Media britanike shkruajnë me siguri të plotë se shumë shpejt trajneri i Bayernit, Pep Guardiola, do të udhëtojë drejt Anglisë, për të firmosur me Manchester City-in.

Strategu spanjoll ka një kontratë me Bajernin, e cila skadon në vitin 2016, ndaj dhe bavarezët po i tentojnë të gjithë mënyrat për të “mbërthyer” Pepin.

Sipas “Bild”, Bajerni po harton një strategji speciale për të ndaluar largimin e Guardiolës, duke i rritur në maksimim pagën e tij sezonal. Në këtë mënyrë, klubi gjerman mendon të bëjë trajnerin spanjoll, më të paguarin në botë, duke i ofruar një shumë prej 15 milionë euro në sezon.

Shifra e prezantuar nga media gjermane, e ka mahnitur Guardiolën, por ky i fundit mund të “shokohet” më shumë nga kundëroferta e Mançester Sitit, i cili është gati të ofrojë edhe më shumë./albeu.com/