Beckenbauer: Reali nuk ka para per ta blere Riberyn
Albeu.com
Real Madridi nuk ka para të mjaftueshme për ta blerë Franck Riberyn, pasi që Florentino Perez ka shpenzuar shumë para për transferimin e Ricardo Kaka, Cristiano Ronaldo dhe Karim Benzema (rreth 210 milionë euro). Kështu është shprehur Presidenti i Bayern Munichut, Franc Beckenbauer.Bavarezët e kanë të vështirë ta mbajnë anësorin francez, i cili ka deklaruar publikisht se dëshiron të kalojë te Mbretërit nga Madridi.

“Nuk mund të paramendoj se Real Madridi ka para për ta angazhuar Franck Riberyn pas të gjithë atyre angazhimeve nga javët e kaluara”, është cituar Beckenbauer nga “Bild”.

Sipas “Bild”, Bayerni ka marrë një ofertë prej 25 milionë eurosh, plus Wesley Sneijderin, Rafael van der Vaartin dhe një lojtar tjetër, për të hequr dorë nga Ribery, mirëpo thuhet se bavarezët kanë refuzuar këtë ofertë.
Shtuar më 04/07/2009, ora 23:03
Tage: arkiv
Shkruani komentin tuaj!
Të fundit nga kjo kategori