Burime nga Spanja dërgojnë Messin te Manchester City
Lajmi pati efektin e një bombe të vërtetë. Fillimisht në Spanjë e më pa në të gjithë botën, duke ngjallur reagime të forta.

Sipas informacioneve nga Spanja, Lionel Messi ka informuar Barcelona se dëshiron të largohet nga klubi përmes një letre. Informacioni që ka shkaktuar në mënyrë të pashmangshme shumë diskutime, por që nuk është aspak befasuese pasi disa media spanjolle dhe ndërkombëtare e kanë thënë prej disa kohësh se dëshiron të ndyshojë skuadër.

Arsyet që e shtyjnë Messin të largohet pas kaq shumë vitesh janë të shumta: ai nuk do t'i besonte menaxhimit të Josep Maria Bartomeu, të cilin e konsideron jo kompetent. Ai nuk beson në projektin sportiv të klubit dhe gjithashtu është i pakënaqur me trajtimin ndaj shokëve të skuadrës, përfshirë Luis Suarez, i cili u informua për largim përmes një telefonate të thjeshtë nga Ronald Koeman. Takimi i Messit me trajnerin holandez gjithashtu nuk shkoi mirë.

Dhe sipas gazetarit të njohur, Marcelo Bechler, argjentinasi dëshiron të transferohet te Manchester City.

Është e vështirë të imagjinohet që Manchester Cityt, aq i fuqishëm financiarisht, të jetë në gjendje të paguajë klauzolën e Messit prej 700 milionë euro. Por një gjë është e sigurt, Lionel Messi dëshiron të bashkohet me Pep Guardiola-n. Mbetet për t’u parë...

Shtuar më 26/08/2020, ora 10:08
Shkruani komentin tuaj!
Të fundit nga kjo kategori