Capello flet për merkaton e Interit: Sensi dhe Eriksen në një nivel
Interi ka qenë një nga skuadrat më aktive gjatë afatit kalimtar të dimrit duke ofruar tre lojtarë, Eriksen, Moses dhe Young.

Për markaton e "zikaltërve" ka folur edhe trajneri i njohur italian, Fabio Capello.

Trajneri është ndalur më së shumti në transferimin e ditës së fundit, Christian Eriksen i cili menjëherë ka zënë vendin e titullarit duke lënë në stol Sensin.

"Unë tashmë e kam thënë dhe vazhdoj të besoj se Eriksen dhe Sensi janë në të njëjtin nivel" ka thënë Capello.

"Sensi është më i ri, por vizioni i tij për lojën është aq i mirë sa i danezit. Në fakt, ai mund të jetë edhe më dinamik se shoku i ri i skuadrës" ka shtuar trajneri italian.

Sensi, 24 vjeçar, nënshkroi me Inter si i huazuar për 5 milionë euro, me mundësi blerje për 20 milionë të tjera. /albeu.com/
Shtuar më 03/02/2020, ora 12:17
Shkruani komentin tuaj!
Të fundit nga kjo kategori