Capello, pro rifillimit të futbollit: Ja si duhet të procedohet
“Unë jam për rifillimin e aktivitetit futbollistik, për shumë arsye. Ndërkohë, janë 100 mijë të punësuar, që paguhen në këtë sport. Kjo është e rëndësishme për të gjithë njerëzit që punojnë. Pastaj, edhe psikologjikisht, rifillimi i Serie A do të jepte një gëzim për të gjithë ata, që do të kishin mundësinë të shihnin ndeshjet”. Këto janë fjalët e Fabio Capello për “Un Giorno da Pecora”, në “Radio Rai”.

Trajneri i njohur italian vijon më tej me tezën e tij: “Do të ishte shumë e rëndësishme, edhe nëse ka shumë probleme. Ideja ime është kjo: duhet të mendoni të bëni si në një Kupë Bote, të qëndroni 40 ditë të izoluar (grumbulluar) për ta përfunduar sezonin. Unë jam gjithashtu në favor të 4-5 zëvendësimeve. Duke luajtur çdo 3 ditë, më shumë zëvendësime mundësojnë rigjenerimin e lojtarëve. Shumë keq, që ky propozim tashmë është refuzuar”.

Capello, gjithashtu, tregoi sip o e kalon karantinën e tij: “Në këto dy muaj kam parë TV, kam lexuar libra dhe kam pastruar shtëpinë, duke ndihmuar gruan time. Kam parë ndeshjet e 2006-tës, të Italisë, që fitoi Kupën e Botës. A u ndjeva përsëri si në stërvisje? Absolutisht jo”.
Shtuar më 05/05/2020, ora 21:27
Shkruani komentin tuaj!
Të fundit nga kjo kategori