Edinson Cavani mezi pret të rikthehet te Napolu. Paris Saint Germain dhe skuadra e Rafa Benitez do të ndeshen të hënën në një ndeshje miqësore. "Është diçka shumë e bukur. Kam shumë dëshirë të shkoj dhe të shikoj qytetin ku kam përjetuar momente shumë të bukura, të rikthehem në atë stadium", ka thënë uruguajani për "Sky Sport".

PRITJA - Çfarë pritje pret nga tifozët? "Besoj se futbolli shpeshherë nuk ka kujtesë, por besoj gjithashtu se tifozi i vërtetë, ai që ka përjetuar momente speciale me skuadrën, do të rinjoh diçka. Në futboll duhet mbështetur gjithçka".

EMOCIONE - Mund të dalë edhe ndonjë lot? "Nuk i dihet kurrë, emocionet kur vijnë vijnë papritur, kështu që nuk e pret. Ajo që ndjej sot është se për mua do të jetë shumë e lehtë të rikthehem në atë qytet, më pas të shohim". /albeu.com/